XX əsrin faciəsi! Xocalı hadisəsini Soyqırım kimi tanıyan ÖLKƏLƏRİN SİYAHISINI təqdim edirik.

Xocalı rayonu 1991-ci il noyabr  ayının 26-da Azərbaycan Respublikasının keçmiş Dağlıq Qarabağ Muxtar Vilayətinin Əsgəran rayonunun bazasında yaradılmış və  Dağlıq Qarabağda əhalisinin sayına görə Şuşadan sonra Azərbaycanın 2-ci rayonu idi. Rayonun ərazisi 1991-1992-ci illərdə erməni silahlı quvvələri tərəfindən işğal olunub. Rayonun mərkəzi - Xocalı şəhəri  1992-ci il fevralın 25-dən 26-na keçən gecə erməni silahlı qüvvələrinin törətdiyi dəhşətli soyqırım nəticəsində yerlə yeksan edilib.

• 613 şəhidimizin 106 nəfəri qadın, 56 nəfəri azyaşlı uşaq idi.
• 487 nəfər yaralandı.
• 8 ailə bütövlükdə məhv edildi.
• 25 azyaşlı uşaq hər iki valideynini itirdi.
• 130 uşaq valideynlərindən birini itirdi.
• 59 nəfər xüsusi qəddarlıqla qətlə yetirildi.
• 1000 nəfərdən çox şəhər sakini əlil olub.
• 1275 nəfər əsir və girov götürüldü.
• Əsir düşənlərdən 150 nəfəri itkin düşüb və taleyi bu günədək məlum deyil..